6-წლიანი პატიმრობა და პოლიტკური უფლებების აკრძალვა უცხოური დაფინანსების მიმღებ პირთათვის
2026 წლის 28 იანვარს, „ქართულმა ოცნებამ" დააანონსა მორიგი რეპრესიული ცვლილებების პაკეტი 6 საკანონმდებლო აქტში. ფორმალური ცვლილებები მთავრობის თანხმობის გარეშე უცხოური დაფინანსების მიმღები ორგანიზაციების საქმიანობის კრიმინალიზებას ახდენს, ხოლო იქ დასაქმებულ პირებს პოლიტიკური პარტიის წევრობას და შესაბამისად, პასიურ საარჩევნო უფლებას 8 წლით უკრძალავს. რეპრესიული ცვლილებების ამოქმედების შემდეგ საქართველოს მთავრობის ნებართვას საჭიროებს უცხოეთში რეგისტრირებული ორგანიზაციებიც, რომელთა საქმიანობაც საქართველოს საკითხებზე მუშაობას გულისმობს, წინააღმდეგ შემთხვევაში პასუხისმგებლობის ზომად გათვალისწინებულია 6 წლამდე პატიმრობა.