"საქმეში არ არსებობს არც ერთი მტკიცებულება, რაც დაადასტურებს, რომ ისინი მოქმედებდნენ წინასწარ ორგანიზებულად"
დღეს არასამთავრობო ორგანიზაციებმა ვასილ კაძელაშვილის, ვეფხია კასრაძის, ზვიად ცეცხლაძის, ირაკლი მიმინოშვილის, გიორგი გორგაძის, ნიკოლოზ ჯავახიშვილის, თორნიკე გოშაძის და ინსაფ ალიევის საქმის შესწავლის შედეგები მედიას გაუზიარეს. საქმეში არ არსებობს არც ერთი მტკიცებულება, რაც დაადასტურებს, რომ ისინი მოქმედებდნენ წინასწარ ორგანიზებულად, შეკავშირებულად, ასრულებდნენ კონკრეტული პირების დავალებას, რომ რომელიმე ბრალდებულის ქმედებამ მიაყენა ზიანი კონკრეტულ პოლიციელს; "მტკიცებულებები” უკანონოდაა მოპოვებული და შესაბამისად, ისინი დაუშვებელ მტკიცებულებებს წარმოადგენს.